Fleire med PCO/S som er gravide no?

[Barn nr 3 (termin 29 mai)]

Hei!

Hadde vore kjekt å få kontakt med andre med PCO/S som er gravide no:) Og høyre korleis svangerskapet går:) Eg er i veke 10, snart 11, so begynner å tru at dette kan gå bra.

 

Ellers håpe eg alle her inne snart blir gravide:) Og husk at: Omtrent alle med PCOS blir gravide til slutt, med eller utan hjelp!! Dette viser forskning og fleire legar har sagt det til meg:)

[Meg1972]

Eg har PCO og er gravid i veke 20, snart 21 :-)

 

Me måtte ha hjelp og graviditeten er resultat av IVF-forsøk i november/desember. Fekk positiv test etter vårt 4. innsett av egg! Me hadde eit ferskforsøk og to fryseforsøk før det endeleg vart klaff på andre ferskforsøk (kort regime). Då var det glede i heimen!

 

No er magen godt synleg, eg kjenner små dult i magen av og til - og eg er i veldig fin form! Kan byrja å tenkja framover og planlegga familieauken i august :-) Vårt fyrste barn så dette er spennande tider!

 

Lukke til alle andre PCO/S-damer!

 

 

[Barn nr 3 (termin 29 mai)]

Å so kjekt at det klaffa og at du no er komme so langt på veg:) Ser du skriv nynorsk også, er du i frå Sogn og Fjordane? Eg bur i Sogndal:) Eg ventar nr 2, har jente på 16 mnd frå før, so det blir også spennande. Men eg trur ingenting slår å få nr 1:)

[Minnie89]

Heisann! Jeg er også gravid, men er bare komt til uke 9.. Tok lap. i desember, så er veldig HAPPY:)

[Gjest Flikk]

du som har tatt ivf, er det lang ventetid? hørt at det er et halvt år mellom hver gang

[Meg1972]

Hei, Flikk!

Reknar med det er meg du spør?

Me starta utredning i mars 2009 og søknad om IVF vart sendt i mai 2009. Forsamtale på fertilitetsklinikken vart i oktober same året. Starta opp med medisin til fyrste forsøk i desember og hadde fyrste forsøk i januar 2010. Me har hatt forsøk med kvar 2. månad (januar, mars + september og november/desember i 2010) og rakk 4 forsøk på eit år. Hadde eit lengre opphald mellom 2. og 3. forsøk pga ein totalt uventa spontan graviditet som diverre enda i MA i veke 13.

 

MEN dette er løpet slik det har vore for meg - dette vil nok variera frå klinikk til klinikk. Og det er jo ei tid sidan søknaden vår vart sendt, veit ikkje korleis ventetida er no. Sommarferie og andre stengte periodar på klinikken kan gje ekstra lang ventetid.

 

Eit halvt år mellom kvart forsøk har eg ikkje høyrt om for min del. Eg ville ha så kort tid mellom kvart forsøk som mogeleg (og medisinsk forsvarleg) pga at alderen ikkje er på mi side lenger...